مطلوب موظفات بدوام جزئي وبنظام المياومة والمواصلات مؤمنة

مطلوب موظفات دوام مسائي وبنظام المياومة لشركة توتي فروتي للحفلات:
الرجاء قراءة جميع المزايا والشروط قبل التواصل:
1. الخبرة مش مطلوبة، إحنا بندربك وبتتعلمي بسرعة.
2. المواصلات مؤمنة من باب البيت للحفلة ومن الحفلة لباب البيت، يعني بترتاحوا من مشاكل المواصلات.
3. لازم تكوني سكان احد المناطق التالية؛ ابو نصير، الجبيهة، المدينة الرياضية، صويلح الحي الشرقي فقط ، ضاحية الرشيد، ضاحية الامير حسن، جبل الحسين المنطقة الغربية . أي مناطق أخرى مابتزبط لانه بنصير نتاخر واحنا نجمع البنات ونوصلهم.
4. الحساب على الحفلة يعني بعد كل حفلة بتاخدي حسابك بنفس اليوم قبل ما توصلي بيتك.
5. الحفلات مش بشكل يومي لانها بتعتمد على الحجوزات ولانه بنوزع برنامج الحفلات بين البنات حسب جدول الحجوزات.
6. جميع الكادر صبايا لأنه أغلب شغلنا حفلات سيدات او حفلات أطفال، خطوبة اعراس، حنة، تخريج، مباركة، اعياد ميلاد، مهرجانات اطفال.
7. الوظائف نوعين: النوع الأول بده تدريب 3 حفلات على الأقل مثل دي جي أو تصوير أو تقديم حفلات الأطفال، وطبعا بفترة التدريب ما بندفع لأنه ما بتكون البنت تفيدنا بالعكس احنا بنكون نوديها ونجيبها. بعدين بتصير تاخد أجور عالحفلات. النوع الثاني مابده تدريب مثل اللي بتلبس مهرج أو شخصية كرتونية.
8. هذا الشغل لا يعتبر دخل ثابت ولا دخل كافي يفتح بيت، هو مناسب أكثر للي عندها وظيفة بالنهار وبدها شغل مسائي أو طالبة جامعة، او متزوجة وبدها شغل جزئي عشان مابتقدر تترك أولادها كل يوم.
9. أغلب البنات اللي عنا بدت شغل لحالها وبعدين جابت أختها كمان تشتغل، بس مابنشغل تنتين خوات من اول يومين او تنتين صاحبات لأنه صعب يكون في تنتين متدربات بنفس الحفلة.
10. أخر معلومة، أغلب الحفلات مسائية يعني البنت لازم تعمل حسابها إنه راح تروح متأخر فاللي حابة تشتغل معنا لازم تتأكد إنه أهلها بيسمحولها تتأخر لنص الليل.
11. إسم شركتنا توتي فروتي للحفلات واللي بتحب تشوف شغلنا بتقدر تدخل على بروفايل الشركة على الفيسبوك.
12. للإستفسار
للمزيد من التفاصيل ☎
اضغط هنا